​Ech sinn den ISI. Meng personne juridique gouf Christian H. Y. Isekin genannt.

​

Ech gouf zu Esch/Uelzecht gebuer, mee sinn zu Bäreldeng (Gemeng Walfer) opgewuess.

​

Ech si Museker (Gesang, Gittar, Piano & Lidder schreiwen), begeeschtere mech fir nei Technologien, Ëmwelt an Déiereschutz, a kenne mech am IT Beräich zimlech gutt aus.

Vun Oktober 1990 bis Juli 1994 war ech an der Arméi, a war bei 2 gréissere Missiounen dobäi:

1991 - Irak (NATO)

1992 - Jugoslawien (UNO)

​

1994 hunn ech meng "Demande de libération" agereecht, a sinn als Kaperol-Chef entlooss ginn.

​

Dono hunn ech eng Zäit am Assurance Secteur, an niewebäi och Maart Fuerschung s Secteur geschafft.

​

1997 sinn ech op London ausgewandert, wou ech Studien am Beräich Musek gemaach hunn.

Fir mäin Iwwerliewen zu London ze garantéieren, hunn ech an de Beräicher Marketing, Maacht Fuerschung an Iwwersetzungen geschafft. E Mann dee 4 Sprooche schwätzt, ass zu London e gefroten Artikel. ;-)

​