Meng Noriichten un d'Deputéierten & Minister zu Lëtzebuerg
Préface:
Wien näischt seet, respektiv sech net wiert, stëmmt zou, ouni dat ze wëssen.
Firwat stëmmt déi Ausso?
Well di konventionell Politiker am aktuelle System esou laang HIR Entscheedungen huelen & ëmsetzen, ouni d'Vollek doriwwer ze befroen, bis genuch Mënschen sech opreegen, Bréiwer un d'Politiker schreiwen, sech op de soziale Medien äusseren, oder beschtefalls op d'Strooss ginn. Zumindest déi Leit, déi d'Konsequenze vun den Entscheedungen novollzéie kënnen, maachen dat.
Ech wëll op dëser Säit den aktuelle Politiker matdeelen, wat ech iwwert hir Entscheedungen, an hir Aart a Weis Politik ze maachen, denken, a woumat ech net d'Accord sinn, a firwat. Fir dass et net ofzestreiden ass, dass ech hinnen dat matgedeelt hunn, maachen ech dat hei op menger Websäit, a schécken hinnen fir all neie Beitrag de Link zu dëser Säit.
2022-05-20
Dir Dammen & Häre Politiker,
Dir beruft iech jo gär op Leit vum Fach.
Hei fannt dir en Dolkument, dat ee positiven Afloss op är weider Politik zum Thema Corona kéint hunn.
2022-04-19 WEF - Great Reset
Dir Dammen & Häre Politiker,
Esou wéi mir un där Tatsaach, dass eng ganz Rei vun iech d'Spéngel vum Great Reset, engem Plang vum Klaus Schwab a sengem Word Economic Forum, un ärem Paltong drot, oder gedroen hutt, erkenne kënnen, ënnerstëtzt dir dee Plang vum WEF. Dir hutt awer weder d'Vollek doriwwer informéiert, wat fir Konsequenzen d'Ëmsetze vun dem Plang huet, nach hutt dir d'Vollek gefrot, ob et dee Plang mat all senge Konsequenze gutt fënnt. Ech perséinlech sinn zu 100% géint dee Plang, an ech soen iech och firwat:
-
Sou laang mir ee Finanzsystem hunn, dee faktesch a privater Hand ass, wier d'Aféiere vun enger digitaler Wärung, an d'Ofschafe vum Boergeld net akzeptabel, well d'Mënschen domat
a) an der Gefor sinn vun engem Moment zum aneren vum Finanzsystem ofgespaart ze ginn,
b) um finanzielle Plang zu 100% duerchsiichteg sinn,
-
Mir liewen elo schonn an engem System, wou de Bierger a villen Hinsichten absolut näischt maache kann, wann e refuséiert, Verwalter vun enger juristescher Persoun ze sinn, an dat nom Great Reset nach vill schlëmmer, an net méi ze steigere wier.
-
Lëtzebuerg hätt um Enn all Souveränitéit un eng zentral Weltregierung ofginn, wat bedeit, dass weder d'Vollek, nach d'Verwalter vum Land iergendwellech Entscheedunge fir Land & Vollek huele kéint.
-
All Mënsch géif zwar ee Grondakommes kréien, well am Laf vun den nächste Joren ëmmer méi Aarbecht s Plaze wäerten ewech falen, mee mir wëssen net, ob dat Akommes héisch genuch wier, fir gesond a Mënsche-wierdeg ze liewen. Dat Akommes wier och net bedéngungslos, dat heescht dass mir ons der Verwaltung als Sklaven ubidde missten, fir dat Akommes ze kréien & ze behalen.
-
Och wier dat Akommes & gewësse Fräiheeten (wouvun di meeschten Experten ausginn) un ee Punktesystem (crédit social) ewéi haut schonn a China gebonnen.
-
Eegentum géif et fir de gréissten Deel vun der Mënschheet net méi ginn, mee mir missten alles lounen, an do stellt sech dann di Fro "vu wiem?"!
Aner Konsequenze kéinte sinn:
-
Kee Mënsch kéint méi selwer iwwert säin eegene Kierper verfügen, well d'Verwaltung ons kéint zwéngen, medezinesch Agrëffer iwwert ons ergoen ze loossen.
-
Elteren hätte net méi d'Soen iwwert hir Kanner. D'Verwaltung géif dat schonn a ganz jonkem Alter vun de Kanner an d'Hand huelen.
Ass dat wierklech wat dir iech fir d'Zukunft vun der Mënschheet virstellt?
Ech hunn eng aner Propos: www.bfb.lu
2022-04-17 Krich an der Ukraine
Dir Dammen & Häre Politiker,
Vu dass ech mir den Dreck vun de Lëtzebuerger Leitmedien scho laang net méi kann undoen, weess ech net wat dir zum Thema Ukraine-Krich sot.
Et mécht mech nodenklech, dass sech elo, dat heescht zanter dass Russland sech gezwonge fillt, an de Krich anzegräifen, dee jo schonn zanter 2014 leeft, skandaliséiert gewise gëtt.
Iwwer Joren huet d'NATO hiert Verspriech gebrach, sech net weider méi no u Russland ze positionéieren. Et kann ee sech just eng gewëssen Zäit laang mam Fixfeier ameséieren, bis d'But dann ebe brennt.
Ech hoffen, dass dir iech och bewosst sidd, a wéi engem Mooss Desinformatioun iwwert dee Krich bedriwwe gëtt.
Laut mengen Informatiounen, an di kommen direkt aus der Ukraine & Russland, geet di Russesch Arméi an der Ukraine esou vir, dass esou mann ewéi méiglech Zivilisten zu Dout kommen & esou mann ewéi méiglech zivil Ariichtungen zerstéiert ginn.
Jo, d'Leitmedien zielen ons eppes anescht, mee mir wësse jo och firwat.
Op jidder Fall sollt keen anert Land sech an dee Krich amëschen, zemools kee Member-Staat vun der NATO, well dat géif mat grousser Sécherheet zum 3. Weltkrich féieren.
Ech kann iech folgend Quelle wäermstens recommandéieren:
2022-04-11 Corona - SARS-CoV-2
Iwwert d'Politik zum Thema SARS-CoV-2, respektiv Covid-19, dierft ech eigentlech näischt méi soe mussen, mee vu dass nach ëmmer vill ze vill Leit alles gleewe wat d'Politiker & d'Leitmedien doriwwer soen...
Dir Dammen & Häre Politiker,
Vu dass et net anescht méiglech ass ze denken, dass dir no 2 Joer d'Wourecht iwwert d'Affär Corone wësse musst, well jo all Fakte scho laang publizéiert goufen, muss ech dovunner ausgoen, dass dir bewosst géint d'Wuel vu Land & Vollek handelt. Firwat dir dat maacht, ass mir och bewosst. NWO, Great Reset, perséinlech Beräicherung (wat jo an der Politik net nei ass).
Wat ech allerdéngs net weess: Sidd dir iech bewosst wou dat hi féiert?
Ech war vun Ufank un (Februar/Mäerz 2020) mat ären Entscheedungen net d'Accord. Meng Meenung huet sech am Laf vun der Zäit, duerch all déi Informatiounen, déi ech Dag fir Dag kritt hunn, just gefestegt. Ech weess awer, dass den Dag vun der Ofrechnung kënnt, an dir wéinst ärem Verrot um Vollek zur Rechenschafte wäert gezu ginn. Dir schéngt iech där Tatsaach nach net bewosst ze sinn.
Ech hu banne menge bal 50 Joer an dëser Existenz geléiert, dass wat een sech méi laang net der Wourecht & senge Problemer stellt, wat et ëmmer méi schlëmm gëtt. Stellt iech w.e.g. der Wourecht & acceptéiert d'Konsequenze vun ärem Handelen, da bleift iech wéinstens nach eng Grimmel Respekt vum Vollek, dass dir dat gemaach hutt. Am anere Fall, wann dir also bis zum batteren Enn äert kriminellt Verhale weider féiert, wäert iech keen Erbaarmen zegutt kommen.
2022-04-11 Verfassung s Reform
Eng Verfassung ass als Fundament vun engem demokratesche Recht s Staat geduecht. Et soll di wichtegst Reegelen, no deenen d'Gesellschaft vun dem Staat gereegelt soll ginn, a sech hunn. Reegelen, déi an enger Verfassung stinn, sollen ni durch aner Gesetzer relativiséiert oder ausser Kraft gesat dirfe ginn. Eng Ännerung vun enger Verfassung, egal wéi grouss oder kleng, sollt ni dierfe vun den aktuelle Politiker virgeholl ginn, ouni d'Vollek iwwert all eenzel Ännerung ze befroen.
Di Tatsaach, dass ons aktuell Regierung awer genau dat elo maache wëll, léisst erkennen, dass di aktuell Regierung (an ee groussen Deel vun den Deputéierten) eng ongesond Relatioun zur Verfassung an zur Demokratie huet.
Ech fuerderen iech op, keng Ännerungen ouni d'Zoustëmmung vum Vollek virzehuelen.
Allerdéngs denken ech awer och dass ons Verfassung iwwerschafft muss ginn, well si jo scho laang net méi der Definitioun entsprëscht, déi ech am Ufank vun dësem Text ginn hunn.