Bonjour Här XXXX,

Wat soll ech iech iwwert ee YouTube Video zielen, deen ech am Mäerz soll op Facebook gedeelt hunn, deen awer net méi op YouTube existéiert?

Wéi ech iech a menger éischter Mail jo och scho gesot hunn, kann ech a menger Facebook Chronik och kee Post fannen, an deem dee Video soll sinn.

Ech konsuméieren zanter Jore Massen un Informatiounen, well ech dat laang Zäit net gemaach hunn, a vill nozehuelen hunn. Do kann ech mech net un all eenzel Informatioun, gedeelt oder net, erënneren.

Egal wat an deem Video gesot gouf (wourun ech mech absolut net méi erënneren); Huet net all Mënsch ee Recht op Informatioun, an ee Recht dorop, sech eng eege Meenung ze bilden? Wien däerf entscheeden,

wéi eng Informatiounen, Philosophien oder Meenungen verbreet (ausgeschwat, geschriwwen, oder als Audio oder Video) dierfe ginn, a wouriwwer aner Mënschen sech eng Meenung dierfe bilden.

Wa gewëssen Informatiounen net méi dierfen zirkuléieren, da si mir scho matten am Faschismus.

An de Schoule gi jo och verschidde geschichtlech Theme behandelt, ënner anerem den zweete Weltkrich. Mech hat dat als Kannt net wierklech interesséiert, well ons an der Schoul ni vermëttelt gouf, wéi wichteg dat, wat an der Vergaangenheet geschitt ass, fir ons Zukunft ass. Mee wien di offiziell Versioun vun der Geschicht vu WW2

agetriichtert kritt, an dat hannerfreet, mécht sech op d'Sich no alternativen Informatiounen. Däerfen déi dat? A mengen Aen ganz kloer JO! Dir däerft ni vergiessen, dass d'Geschicht (zumindest di offiziell Versioun) vun deene geschriwwe gëtt, déi de Krich gewonnen hunn, an dat sinn di ultra räich, well déi de Krich och finanzéiert hunn,

an zwar oft esouguer di zwou Säiten. Wann dir dat nach net wësst, da misst dir iech, esou wéi ech et elo zanter Jore maachen, och emol an alternative Medie schlau maachen. Just di brav System-Schof, an di Faul, gleewen just dat, wat si um sëlwer Plateau zerwéiert kréien.

Dir hutt ee Recht op är Meenung, mee wann et ëm äre Beruff geet, däerf är Meenung keen Afloss op är Aarbecht hunn. Dir musst also neutral sinn, genau wéi Journalisten EIGENTLECH neutral misste sinn, wat, wéi mir awer wëssen, leider och net méi de Fall ass, an dat schonn zimmlech laang.

Wien mech kennt, weess, dass fir mech Gerechtegkeet dat aller Wichtegst am Liewen ass, an dass ech ëmmer drop pochen, dass net soll oder dierf generaliséiert ginn, sief et op Basis vu Relioun, Natioun, ethnesch Ofstamung, Beruff oder soss enger Grupp vu Mënschen, déi iergend eppes gemeinsam hunn. Ech begéinen och ganz oft Artikel, a wéi enger Form och ëmmer, wou géint Judde gewiedert gëtt. Ech argumentéieren och do ëmmer:

"Et dierf een net generaliséieren. Et ginn iwwerall Gudder a Schlechter."

Ech sinn ee Mënsch mat Charakter a Prinzippien. Ech maache mech staark fir eng fräi Gesellschaft, mat Zougang zu allen Informatiounen.

Nach emol: D'Ënnerschloen, d'Ënnerdrécken oder d'Verbidde vu gewëssen Informatiounen ass Faschismus.

Wëlle mir Faschismus? Wëll dir iech virschreiwe loossen, wat dir wëssen däerft a wat net? Wéi kënnt dir wëssen, ob är Meenung op deene richtegen Informatioune berout?

Dir wësst jo, dass ech politesch aktiv sinn.

Ass et dann, ofgesi vun ärer perséinlecher Meenung iwwert dat wat ech soen, schreiwen oder op soziale Medien deelen, net offensichtlech, dass hei vun anere politeschen Instanze probéiert gëtt, mir ze schueden, a mech mond-dout ze maachen?

Wann dir iech meng Proposen op "www.bfb.lu" duerch liest, verstitt dir wat ech mengen. Wien d'Politiker an hirer aktueller Form ofschafe wëll, an ee vill méi gerechte System fir di ganz Mënschheet fuerdert, ass predestinéiert, vun de Profiteure vum aktuelle System ugegraff ze ginn.

Bon! Natierlech kann et och sinn, dass sech gewësse Leit, déi esou Videoen ewéi deen, ëm deen et am Dossier XXX geet, skandaliséiert weisen, well si vum System esou indoktrinéiert sinn, dass et fir si schonn normal ass dass gewëssen Informatiounen einfach ënnerdréckt ginn, an déi och direkt als anti-Jüddesch astufen. Wat aner Leit iwwert gewëssen Informatiounen denken, oder eran interpretéieren, geet vun hinne selwer aus, an net vu mir.

Fir mech ass wichteg, dass jiddereen all Form vun Informatioune konsuméieren däerf, an sech seng eege Meenung bilt, oder ass d'Majoritéit vun de Leit ze domm dofir, a muss viru gewëssenen Informatioune geschützt ginn? Falls jo, wien entscheet dass di Leit ze domm sinn? Wien entscheet, wéi eng Informatiounen net un di Leit erun dierfen? Wou hält de Schutz op, a wou fänkt Zensur (an all senge Formen) un?

Wann dir och nach ëmmer gleeft, dass de SARS-CoV-2 tatsächlech een iwwerméisseg geféierleche Virus ass, an all Mesuren, déi dem Lëtzebuerger Vollek vum Lëtzebuerger Staat opgezwonge goufen, wierklech gerechtfäerdegt ware/sinn, da roden ech iech onbedéngt iech emol ganz intensiv mam Facebook Grupp "Corona, Meenung a Fakten" auserneen ze setzen.

Mäi Gewëssen ass reng, a wann dir mengt, dir misst Kompliz spillen, fir mech a mäi Liewen ze zerstéieren, da maacht w.e.g. en Ausdrock vun dëser Mail, leet en an den Dossier, a schéckt en op den Instanzewee, well ech muss mir selwer trei bleiwen, a mengen Iwwerzeegunge follegen, well soss ass mäi Liewe sou wéi sou näischt wäert.

Och géif ech iech bieden, fir all weideren Dossier, dee mech ugeet, wou dir nach do leien hutt, mir mat der Convocatioun direkt, ouni dass ech et muss nofroen, de Maximum un Informatioune matschéckt, sief et per Mail, sief et per Bréifpost. Meng Liewenszäit ass mir wichteg, an ech kréien se net gär vun Anere gestuel.

Ech hoffen och, dass dir näischt wat ech elo hei geschriwwen hunn, ënner Ëmstänn als perséinlechen Ugrëff op iech deit, well absolut näischt ass als Solches vu menger Säit gemengt, an et ass mir wichteg dass dir dat och esou verstitt, wéi et mir gemengt ass.

MbG

Christian Isekin