Neiste Gedanken

06.08.2020

Theorie

  1. Wéi vill Prozent vun engem Vollek musse Verschwierungstheoretiker sinn, oder Verschwierungstheorie gleewen, bis d'Theorie als Tatsaach ugesi gëtt?

  2. Wéi laang ass eng Theorie just eng Theorie?

  3. Wien oder wéi vill Mënsche mussen de Beweis liwweren, fir eng Theorie zum Fakt ze maachen?

  4. Wien finanzéiert d'Aarbecht, eng Theorie zum Fakt ze maachen, oder se ze widderleeën?

  5. Wat gehéiert alles zum Prozess vum beweisen oder widderleeë vun enger Theorie

  6. Wiem gleewen ech? Wien ass tatsächlech vertrauenswierdeg?

 

Meng Meenung:

 

  1. Dat hänkt vun der Bereetschaft, an der verfügbarer Zäit vun all Eenzelem, sech mat der Theorie ze beschäftegen, of. Wat fir mech scho laang Fakt ass, ass vir vill Anerer nach ëmmer eng (Verschwierungs) Theorie. Et kann een dat och demokratesch gesinn, a soen: Wa méi ewéi 50% eng Theorie als Fakt ugesinn, ass et Fakt. Dat ass allerdéngs net wëssenschaftlech. Mee vu dass mir de Moment an der post-faktescher Zäit liewen, spillt fir vill Leit de wëssenschaftleche Beweis keng Roll.
     

  2. Bis mindestens 10 héich kompetent Leit vum Fach, onofhängeg vuneneen, d’Theorie widderluecht oder bewisen hunn
     

  3. IDEM
     

  4. Dat hänkt natierlech engersäits vum Schwieregkeetsgrad, eng Theorie ze beweisen oder ze widderleeën, of, an anerersäits vum finanzielle Benefice. Vu dass haut vill Leit just nom Geld kucken, sinn déi méi motivéiert Geld an dee Prozess ze investéieren, wann se wëssen, oder dovunner ausginn, dass de Beweis oder d’Widderleeë vun enger Theorie hinne finanzielle Profit bréngt. Et gëtt do leider net genuch no de Virdeeler fir d’Allgemengheet gekuckt.
     

  5. a) D’Theorie muss fir genuch Leit relevant sinn, sou dass si en Interesse um Beweis oder dem Widderleeë vun der Theorie hunn, an dat hänkt erëm dovunner of d’Wichtegkeet ze erkennen.
    b) Leit vum Fach (ofhängeg vun der Spezifitéit) beschäftegen sech mat der Theorie.
    c) De Beweis oder d’Widderleeung muss vun onofhängege Leit vum Fach géigegepréift ginn
    d) Dat schlussendlecht Resultat muss verëffentlecht, a vir all Mënsch accessibel sinn.
     

  6. Ech tendéieren op jidde Fall méi dozou leit ze gleewen, déi kee finanzielle Benefice aus esou enger Aarbecht zéien. Soubal finanziell Interesse mat am Spill sinn, ass d’Gefor vu Manipulatioun a Korruptioun ganz grouss.

  • Schwarz Soundcloud Icon
  • Telegram Logo
  • Facebook
  • VK logo
  • Twitter
  • YouTube
  • Instagram
  • Soundcloud Social Icon